Тымау тейгәндә ярҙам итә торған эсемлек

Ҡапыл ғына тымау тейһә, танауығыҙ тонһа, түбәндәге ингредиенттар менән сәй эшләп эсегеҙ: бер лимон, бер баш һуған, ике ҡалаҡ бал, ике стакан һыу.

Тәүҙә ҡайнап торған һыуға ваҡлап туралған һуғанды һалығыҙ ҙа, йәнә 15 минут ҡайнатып, 5 минут төнәтегеҙ. Шунан бал һалып, яҡшылап бутағыҙ. Эсерҙән алда ғына бер лимондың һутын һығығыҙ.

Был эсемлекте көнөнә 2 – 3 тапҡыр берәр ҡалаҡлап эсергә ҡушалар. Сәйҙе ике көн һаҡларға ярай. Танауығыҙ бер нисә сәғәттән үк асылыр, ти был ысулды ҡулланыусылар.

Файҙаһы тейһен!