Бөтә яңылыҡтар
Яңылыҡтар таҫмаһы
8 Ғинуар , 18:34

Көн торошоноң ҡапыл үҙгәреүе ауырытһа...

"Метеобәйлелек" тигән төшөнсә бар. Ул көндөң кинәт үҙгәреүен насар кисереүселәргә ҡарата әйтелә. Көн болотлаһа, һыуыҡтан ҡапыл йылытһа йәки, киреһенсә булһа, ай тулы ваҡытта башы сатнап, ҡан баҫымы "һикереп", хәлһеҙләнеп ыҙаланыусылар күп арабыҙҙа. Хатта йәштәр көн үҙгәргәндә үҙен насар тоя. Нимә эшләргә?

Көн торошоноң ҡапыл үҙгәреүе ауырытһа...
Көн торошоноң ҡапыл үҙгәреүе ауырытһа...

Әлбиттә, метеобәйлелектән тулыһынса ҡотолоп та булмаҫ, бәлки. Шулай ҙа хәлеңде еңеләйтеү саралары бар.

Белгестәр шундай кәңәштәр бирә: көн торошо фараздарына иғтибарлы булырға, ҡапыл үҙгәрә ҡалһа, еңелсә туҡланырға (майлы, әсе, ҡыҙҙырылған ризыҡ ашамаҫҡа, алкоголь ҡулланмаҫҡа), контраст душта үҙеңде сыныҡтырырға, үлән сәйҙәре (аҡ сәскә, йүкә сәскәһе, бөтнөк төнәтмәһе) эсергә кәрәк.

Шулай уҡ артыҡ көсөргәнештән һаҡланырға һәм мөмкин тиклем тынысыраҡ булырға.

 

Автор:Алһыу Ишемғолова
Читайте нас в