Бөтә яңылыҡтар
Яңылыҡтар таҫмаһы
4 Ғинуар , 10:05

Янғындан ҡотҡарылған ир дауаханала үлгән

Беренсе ғинуарҙа кис Борай ауылында янғын сығыуы тураһында Башҡортостан Ғәҙәттән тыш хәлдәр министрлығына хәбәр килә. Ваҡиға урынына тиҙ арала ҡотҡарыусылар ебәрелгән.

Янғындан ҡотҡарылған ир дауаханала үлгән
Янғындан ҡотҡарылған ир дауаханала үлгән

Улар килгәндә ут майҙаны 70 квадрат метрлыҡ кирбес йортто ялмап алған була. Атап әйткәндә, бүлмәләрҙең береһе зыян күргән. Ғәҙәттән тыш хәлдәр министрлығы хеҙмәткәрҙәре 61 йәшлек ирҙе хәүефле ерҙән сығарған.

Зыян күреүсене Башҡортостандың Борай районы үҙәк район дауаханаһына алып килгәндәр. Үкенескә күрә, һуңыраҡ ул дауаханала вафат булған. Әлеге ваҡытта Ғәҙәттән тыш хәлдәр министрлығы дознавателе һәм тәфтишселәр фажиғәгә нимә сәбәпсе булыуын асыҡлай.

 

Фото: Т. Аманов

Автор:Гөлнара Солтанова
Читайте нас в