+10 °С
Болотло
Һис кем еңелергә теләмәй, бар көсөн һалып уйнаһа ла, "Олотау турниры-2023" чемпионы булып Учалы ҡалаһының "Газсы" футбол командаһы танылды. 2022 йылда пьедесталдың ни бары өсөнсө генә баҫҡысына күтәрелгән спортсылар, быйыл ныҡ сәмләнеп килгән, ахыры.
Ҡорама ауылынан "Толпар" командаһы быйыл тағы... икенсе урынды яуланы.
Өсөнсө урынды Учалы ҡалаһының мосолмандар командаһы алды. Әйткәндәй, былтыр улар беренсе ине...
Ҡотой ауылы егеттәре йәнә дүртенсе урын менән хушһынды. Ҡунаҡсыл хужалар булараҡ, барыһын да алға сығара ла ҡуя үҙҙәре.
Еңеүселәрҙе ҡотлайбыҙ! Ярышсыларҙың барыһына ла күркәм уйын өсөн, ойоштороусыларға юғары кимәлдәге турнир өсөн ҙур рәхмәт!
Фото: асыҡ сығанаҡтарҙан.