Радий Хәбиров СВО-ла һәләк булған Максим Страупеның ғаиләһендә булды

Төбәк етәксеһе яугирҙең ҡатыны Мария Исмаиловнаға Максим Страупе күрһәткән батырлығы өсөн үлгәндән һуң наградланған генерал Шайморатов орденын тапшырҙы. Ғаилә менән аралашҡан мәлдә Радий Хәбиров улар дәүләттән ярҙамды тулы күләмдә алалармы тип ҡыҙыҡһынды. Яугирҙең ҡатыны барыһы ла тулы күләмдә башҡарыла тип белдерҙе.

– Со мной постоянно на связи сослуживцы Максима. Их поддержка помогает не унывать, держаться, идти дальше ради детей, – тине Мария Страупе.

Төбәк етәксеһе яугирҙең әсәһе Наталья Петровнаны һәм ҡатыны Марию Исмаиловнаны байрам менән ҡотланы һәм геройҙың балаларына бүләк тапшырҙы.