Учалылар батыр улдары менән бәхилләште

Матәм сараһында БР Башлығы Хакимиәте етәксеһе урынбаҫары Искәндәр Әхмәтвәлиев, район хакимиәте етәксеһе Руслан Гиләжетдинов, мәрхүмдең дуҫтары-туғандары, хәрби хәрәкәт ветерандары, ауылдаштары йыйылды. Яугирҙе Сәфәр ауылында ерләнеләр.  

Белешмә:

Денис Дамир улы Әхтәмов 1985 йылдың 6 июлендә Силәбе өлкәһенең Мейәс ҡалаһында тыуған. 2003 йылда Сәфәр ауылы мәктәбен тамамлаған, аҙаҡ биш йыл РФ Оборона министрлығының Хәрби университетында хәрби-социаль эш факультетында белем алған. Егет аҙаҡтан биш йыл контракт буйынса хеҙмәт итә, Балтика флотына Калининградҡа ебәрелә. 

Быйлы октябрь айында хәрби-сәйәси эш буйынса полк командиры урынбаҫары ителә. Хәрби задание үтәгәндә 7 ноябрҙә батырҙарса һәләк була. 

СВО-ла күрһәткән батырлығы һәм БР Башлығы Радий Хәбировтың указына ярашлы Денис Әхтәмов үлгәндән һуң Шайморатов ордены менән наградланды.