Яңы йыл байрамдарында Өфөләге травматология пункттарының эш графигы билдәле булды

Өлкәндәр өсөн травматология пункттары 5-се дауахана (Цюрупа урамы, 84), 8-се дауахана (Максим Горький урамы, 47), 21-се дауахана (Урман п-ед, 3) һәм Өфөнөң Дим районы дауаханаһы (Хәҡиҡәт урамы, 19) адрестары буйынса урынлашҡан.

Балалар травматология пункттары Республика балалар клиник дауаханаһында (С. Кувыкин урамы, 98) һәм 17-се дауаханала (Азатлыҡ урамы, 29) урынлашҡан. Улар тәүлек әйләнәһенә эшләй. Шулай уҡ иртәнге 8-ҙән киске 10-ға тиклем 5-се (Жуков урамы, 18) һәм 4-се (Орджоникидзе урамы, 15) балалар поликлиникаларына мөрәжәғәт итергә мөмкин.

Күҙҙәр йәрәхәтләнгәндә 8-се ҡала дауаханаһына йәки Өфө күҙ ауырыуҙары ғилми-тикшеренеү институтына (Аврора урамы, 14) мөрәжәғәт итергә кәрәк. Улар ҙа ғәҙәти режимда эшләйәсәк.

Фото: Т. Аманов