Рәсәй Геройы Борис Дудкоға Шайморатов ордены тапшырылды

- Бындай кешеләр - Рәсәй һәм республика даны. Һеҙгә хеҙмәтегеҙ һәм Тыуған илебеҙҙе яҡлағанығыҙ өсөн рәхмәт белдерәм. Иң мөһиме - тыуған өйөгөҙгә иҫән-һау әйләнеп ҡайтығыҙ. Бында һеҙ һәр саҡ кәрәк, - тип һыҙыҡ өҫтөнә алды Радий Хәбиров. - Ата-әсәйегеҙгә лайыҡлы ул тәрбиәләгәндәре өсөн рәхмәт һәм, әлбиттә, һеҙгә ярҙам иткән, балалар тәрбиәләгән ҡатынығыҙ Гөлнараға. Беҙ һеҙҙең менән бик ғорурланабыҙ!

Хәрби бурысын үтәгәндә күрһәткән батырлығы өсөн Башҡортостан Башлығы Борис Дудкоға генерал Шайморатов орденын тапшырҙы. Рәсәй Геройы төбәк етәксеһенә юғары награда өсөн рәхмәт белдерҙе.

- Республикаға күрһәтелгән ышаныс өсөн рәхмәт. Башҡортостан һәр ваҡыт лайыҡлы яугирҙары менән дан тотто. Ватанды һаҡлаусылар тәрбиәләүҙе дауам итәсәкбеҙ. Рәсәйгә хеҙмәт итәм! - тине Борис Дудко.

Борис Дудко һәм уның ғаиләһе менән осрашыуҙа Радий Хәбиров хәрби хеҙмәткәрҙәргә һәм уларҙың ғаиләләренә ярҙам, йәштәргә патриотик тәрбиә биреү мәсьәләләре тураһында фекер алышты.

Фото: БР Башлығы сайтынан.