11 кешене алдарға эшкингән муттар...

Муттар хаҡында хәҙер 80-90 йәшлек әбей-бабайҙар ҙа белеп, ят номерҙан шылтыратһалар, бәләһенән баш-аяҡ, тип телефонды алмай ултыра. Ә Нефтекаманан 36 йәшлек ир үҙ-үҙенә ныҡ ышанған, ахыры. Уға билдәһеҙ кеше, йәнәһе лә, "банк хеҙмәткәре", шылтыратып, инвестициялау юлы менән тиҙ генә байыу юлын өйрәтәм, тип әйткәс, "бушлай сырға" ҡыҙыҡҡан бит. Һәр хәлдә, аҡылын юйып, "инвестиция иҫәбен" асып ебәргән булған, кредит алған һәм бөтә аҡсаны, өс миллион һумға яҡын сумманы, шул иҫәпкә күсергән. Әле терһәген тешләрҙәй булып йөрөйҙөр инде...

Ғафуриҙар, ғәҙәттә, алданып бармай, бик һаҡ кешеләр. Ләкин шул райондан 33 йәшлек ир нисектер муттар тоҙағына ҡапҡан. Уға "прокуратура тәфтишсеһе" шылтыратып, билдәһеҙ әҙәмдәрҙең уның иҫәбенән 100 мең һум аҡсаны урларға йыйыныуҙары хаҡында, быға юл ҡуймаҫ өсөн аҡсаларҙы "ышаныслы иҫәпкә" күсерергә кәрәклеген хәбәр иткән. Ир, хоҡуҡ һаҡлау органдары хеҙмәткәре алдамаҫ, тип уйлап, 170 мең һумға яҡын аҡсаһын муттарға "бүләк" иткән. Әллә ниндәй прокуратура кешеһе иҫәптәге аҡсаларыбыҙ менән ҡыҙығып тора, ти...

Тәүлек эсендә 11 кеше муттарҙы 5,5 миллион һумға байытҡан.

Фото: асыҡ сығанаҡтарҙан.

Автор:Баныу Ҡаһарманова

Читайте нас:

Ултыр беҙҙең арбаға!

"Йәшлек" гәзитенең "Телеграм"дағы каналына ҡушыл, дуҫ!