Бөтә яңылыҡтар
Яңылыҡтар таҫмаһы
23 Декабрь 2022, 16:03

Башҡортостандың Дәүләт хеҙмәттәре порталы кадастр иҫәбе буйынса яңы өс хеҙмәт менән тулыланды

Башҡортостан Республикаһында йәшәү сифатын һәм эшҡыуарлыҡ эшмәкәрлеген алып барыу шарттарын яҡшыртыу маҡсатында дәүләт һәм муниципаль хеҙмәттәрҙе электрон формаға күсереү буйынса комплекслы эш дауам итә.

Башҡортостандың Дәүләт хеҙмәттәре порталы кадастр иҫәбе буйынса яңы өс хеҙмәт менән тулыланды
Башҡортостандың Дәүләт хеҙмәттәре порталы кадастр иҫәбе буйынса яңы өс хеҙмәт менән тулыланды

Мәҫәлән, республика Дәүләт хеҙмәттәре порталында дәүләт кадастр иҫәбе линияһы буйынса яңы өс төбәк хеҙмәте барлыҡҡа килде. Һүҙ баҙар кадастр хаҡын билдәләү, кадастр хаҡын билдәләү менән бәйле бәхәстәрҙе тикшереү һәм кадастр хаҡын билдәләү менән бәйле аңлатма биреү тураһында мөрәжәғәттәрҙе ҡарау тураһында бара.

- Яңы төбәк электрон хеҙмәттәре Башҡортостан Республикаһының Дәүләт хеҙмәттәре порталында урынлашҡан. Дәүләт хеҙмәттәрен электрон төрҙә алыу граждандарҙың дәүләт ойошмалары менән үҙ-ара эш итеүен күпкә ябайлаштыра, - тине Башҡортостан Республикаһы дәүләт идаралығының һанлы үҫеш министры урынбаҫары Динар Шәрәфетдинов.

Бөтә өс хеҙмәт тә Башҡортостан Республикаһының Ер һәм мөлкәт мөнәсәбәттәре министрлығы тарафынан күрһәтелә.

Дәүләт хеҙмәттәрен электрон форматҡа күсереү дәүләт менән идара итеүҙе һанлаштырыу принциптарының береһе булып тора һәм һанлы иҡтисадты булдырыу өсөн мотлаҡ шартҡа инә.

Фото: асыҡ сығанаҡтарҙан.

Автор:Баныу Ҡаһарманова
Читайте нас в