Дөрөҫөрәге, яҙылырға тырышыуы.
"Юҡ, ауырымайым мин, һаумын, тик министрҙар кабинеты менән кәңәшмәлә беҙҙең контакт-үҙәктең нисек эшләүен, табипҡа яҙылыу мөмкинлеген тикшереп ҡарарға булдым - сөнки ҡушҡанды үҙеңдә һынап ҡарау яҡшыраҡ", - тип яҙған Премьер-министр.
Табипҡа яҙылыуҙың проблемалы икәнен беләһегеҙҙер. Бынан алда халыҡ Башлыҡҡа ла зарланғайны. 122 телефоны буйынса эшләй ул үҙәк. Күп кеше тап шунда шылтыратып та нервыһын ҡаҡшаталыр әле.
Ә Андрей Назаров та был юлы табипҡа яҙыла алмаған. Шылтыратҡан, операторға тоташтырыуҙарын өс минут көткән, унан һуң, колл-үҙәк белгесе программала боҙоҡлоҡ булыуын белдергән дә, 15 - 20 минуттан ҡабат шылтыратыуын һораған.
"Һәр оператор эшен аҙағынаса еткерергә тейеш - табипҡа яҙырға һәм кешегә хәбәр итергә. Һаулыҡ һаҡлау министрлығына эште яйларға ҡуштым. Беҙ үҙебеҙҙең эшләп еткермәүҙән ҡурҡмайбыҙ һәм оялмайбыҙ, иң мөһиме - уларҙы күрергә һәм оператив рәүештә төҙәтергә", - тигән Хөкүмәте рәйесе.
Моғайын, тиҙҙән табипҡа яҙылыу проблемаһы булмаҫ.