Юл фажиғәләре - 21 декабрь

Уҙған тәүлектә республика юлдарында ете автомобиль аварияһы теркәлгән, уларҙа ике кеше һәләк булған, туғыҙ кеше төрлө йәрәхәттәр алған. Дәүләт автоинспекцияһы хеҙмәткәрҙәре тарафынан 1300-ҙән ашыу юл хәрәкәте ҡағиҙәләрен боҙоу осрағы асыҡланған, 18 иҫерек водитель тотолған (өсәүһе икенсегә тотола).

Көндөҙ Краснокама районында, Дүртөйлө-Нефтекама юлының 58-се саҡрымында, Нефтекаманан 21 йәшлек егет идара иткән "ВАЗ-2114" машинаһы менән 55 йәшлек ир идара иткән "МАЗ" йөк машинаһы бәрелешкән. Авария һөҙөмтәһендә еңел автомобилдең 33 йәшлек пассажиры тиҙ медицина ярҙамы килеп еткәнсе йән биргән. "ВАЗ"дың водителе дауаханаға оҙатылған, һуңғараҡ ул Нефтекама дауаханаһының реанимация бүлегендә вафат булған. Шаһиттар әйтеүенсә, йәш водитель алда барған машинаны уҙырға ниәтләп, юлдың ҡаршы һыҙатына сыҡҡан булған...

Әле хәлде тикшереү бара.

Фото: БР ЮХХДИ.

Автор:Баныу Ҡаһарманова

Читайте нас:

Ултыр беҙҙең арбаға!

"Йәшлек" гәзитенең "Телеграм"дағы каналына ҡушыл, дуҫ!