Бөтә яңылыҡтар
Яңылыҡтар таҫмаһы
21 Декабрь 2022, 17:45

Тәүлек эсендә муттар 18 кешене алдаған

Нефтекаманан 63 йәшлек ҡатынға ялған "хоҡуҡ һаҡлау органдары хеҙмәткәре" шылтыратып, муттарҙың уның исеменә кредит алырға маташыуҙары, кисекмәҫтән операцияны туҡтатырға кәрәклеген хәбәр иткән. Пенсионер уның һүҙенә ышанып, шылтыратыусының "инструкцияһын" үтәгән, йәғни, операцияны туҡтатам, тип уйлап, 500 мең һум кредит алған да, "ышаныслы" иҫәпкә күсергән... 

Тәүлек эсендә муттар 18 кешене алдаған
Тәүлек эсендә муттар 18 кешене алдаған

Өфөнән 60 йәшлек ҡатынға билдәһеҙ ир шылтыратып, пенсия тупланмаһын кире ҡайтарырға ярҙам итәм, тип һайраған. Пенсионер ҡыуанып, уның әйткәндәрен үтәгән һәм билдәһеҙ иҫәпкә 214 мең һум аҡсаһын күсергән. Аҡса күсеү менән аферист был тиҙ ышаныусан ҡатындың номерын блокка ҡуйған. 

Мутлашыусылар республикала йәшәгән 18 кешенең 2,5 миллион һум аҡсаһын урлаған. 

Фото: асыҡ сығанаҡтарҙан.

 

Автор:Баныу Ҡаһарманова
Читайте нас: