Юл фажиғәләре - 19 декабрь

Уҙған тәүлектә республика юлдарында ете автомобиль аварияһы теркәлгән, уларҙа туғыҙ кеше йәрәхәтләнгән. Дәүләт автоинспекцияһы хеҙмәткәрҙәре тарафынан 1300-ҙән ашыу юл хәрәкәте ҡағиҙәләрен боҙоу осрағы асыҡланған, 19 иҫерек водитель тотолған (өс кеше икенсегә тотола).

Төштән һуң Хәйбулла районында, Сибай-Аҡъяр автомобиль юлының 80-се саҡрымында, 31 йәшлек ир "Toyota Noah" машинаһында барьер кәртәһенә барып бәрелгән. Юл-транспорт ваҡиғаһы һөҙөмтәһендә дүрт пассажир, шул иҫәптән 15 йәшлек ҡыҙ, төрлө йәрәхәттәр алған. Водитель ике ай элек, эскән килеш автомобиль менән идара иткәне өсөн, танытманан мәхрүм ителгән булған.

Сибайҙан Аҡъярға барыусыларҙы ул социаль селтәрҙәр аша йыйып алған. Юл-транспорт ваҡиғаһы буйынса тикшереү бара.

Фото: БР ЮХХДИ.

Автор:Баныу Ҡаһарманова

Читайте нас:

Новости партнеров

Был стипендия кемдәргә түләнә?

На уровне молекул

Азык-төлеккә талон системасы кертелергә мөмкин

1917-2024 "Йәшлек" гәзите

Баш мөхәррир - Артур Хәсән улы Дәүләтбәков

Мәҡәләләрҙе ҡулланғанда "Йәшлек" гәзитенә һылтанма яһау мотлаҡ. Бөтә хоҡуҡтар яҡланған.

Телефон