Бөтә яңылыҡтар
Яңылыҡтар таҫмаһы
20 Декабрь 2022, 16:10

Блогер Рөстәм Нәбиев йәнә тауҙарға күтәрелергә йыйына

Рөстәм Нәбиев Килиманджароға күтәрелгәндән һуң  үҙен нисек хис итеүен һәм  тағы ла ҡайҙа барырға йыйыныуын хәбәр итте..

Блогер Рөстәм Нәбиев йәнә тауҙарға күтәрелергә йыйына
Блогер Рөстәм Нәбиев йәнә тауҙарға күтәрелергә йыйына

Өфөнән хәрби хеҙмәттә аяҡтарын юғалтҡан блогер Рөстәм Нәбиев Килиманджароға күтәрелеүҙән һуң тулыһынса ял итеп өлгөрмәгән, әммә яңы сәйәхәткә сығырға иҫәп тота. Был хаҡта ул 19 декабрҙә социаль селтәрҙәге сәхифәһендә хәбәр итте. Блогер һүҙҙәренсә, әле ул көн режимын яйға һалырға тырыша.

 

-– Тауҙан һуң элекке режимға ҡайтыуы бик ауыр, – тине ул. – Организм бик арыған, һәр ваҡыт йоҡларға, ял итергә теләй.

 

Блогер билдәләүенсә, ғинуарҙа ул Көньяҡ Американың иң юғары нөктәһен яуларға ниәтләй. Һүҙ Аргентинала урынлашҡан Аконкагуа түбәһе хаҡында бара, тип әйтергә була. Билдәләп үтергә кәрәк, Өфөлә лә блогерға ҡайһы бер бейеклектәрҙе яуларға тура килә. Мәҫәлән, яҡшы итеп таҙартылмаған ҡар өйөмдәрен. Шуға ла ҡышты яратмайым, ти ул.

 

 

Фото: Т. Аманов

Автор:Гөлнара Солтанова
Читайте нас в