17 йәшлек егет машина урлауҙа ғәйепләнә

Полицияға ВАЗ-21113 машинаһының 41 йәшлек хужаһы мөрәжәғәт иткән, ул машинаһын урлауҙары хаҡында һөйләгән. Һуңғараҡ автомобиль Ишембай районында табылған. Шунда уҡ ҡараҡты ла ҡулға алалар. Ул быға тиклем хөкөм ителгән 17 йәшлек егет булып сыҡҡан. Ғәйепләнеүсе автомобилде запас частарға һүтергә һәм таныштарына һатырға йыйыныуы хаҡында белдергән.

Ул үҙенең ғәйебен таныған, автомобиль махсус туҡталҡаға ҡуйылған. Урлашыу факты буйынса енәйәт эше ҡуҙғатылған.

Фото: Т. Аманов