Үлемесле авария...

Авария бөгөн киске сәғәт һигеҙенселә Әшит-Ағиҙел автомобиль юлының өсөнсө саҡрымында булған. Әлегә билдәле булыуынса, "Тиҙ ярҙам" машинаһы водителе ҡараңғы юлда йәйәүлене бәрҙерә. Билдәһеҙ йәйәүле, ҡарамаҡҡа 40 йәштәр тирәһендәге ир, алған йәрәхәттәрҙән йән биргән. Ваҡиға урынында тәфтиш-оператив төркөм эшләй. Водитель һүҙҙәренсә, ир юлға ҡапыл килеп сыҡҡан. Ашығыс ярҙам Можары ауылына саҡырыу буйынса китеп барған булған. Саҡырыуға медицина ярҙамының икенсе бригадаһы ебәрелгән. Юл-транспорт ваҡиғаһының сәбәптәре асыҡлана.

Фото: асыҡ сығанаҡтарҙан.