– Бөгөн ауыл мәсетендә,егеттәребеҙҙең ата-әсәләрен саҡырып, ҡорбан ашы ашаттыҡ. Йыйылған аҡсаның бер өлөшөнә ил һаҡларға киткән егеттәребеҙгә Яңы йыл күстәнәсе, апайҙарыбыз йөн ойоҡбаштар бәйләп ебәрергә ҡарар иттек. Дин әһелдәре аят-доғалар уҡып, оло йәштәге абруйлы ағайҙар изге теләктәрен еткерҙе. Салған ҡорбандар ҡабул булып, егеттәребеҙ иҫән-һау тыуған йорттарына әйләнеп ҡайтһын, Аллаһ бирһә. Илебеҙ тыныс, күгебеҙ аяҙ, донъяларыбыҙ имен, күңелдәребеҙ тыныс булһын, илебеҙгә янаған афәт, ҡурҡыныс мәхшәр бөтһөн! – тип хәбәр итәләр Ишбирҙе ауыл клубы төркөмөндә.
Иншаллаһ ир-егеттәребеҙгә иҫән-һау әйләнеп ҡайтырға яҙһын, ҡылған доғалары ҡабул булһын, изге ғәмәлдәре икеләтә сауап булып яҙылһын.
Фото: Т. АМАНОВ.