Һеләүһен (рысь) — бесәйҙәр ғаиләһенә ҡараған һарғылт һоро төҫтәге йыртҡыс йәнлек; Австралиянан башҡа бөтә илдәрҙә урманда йәшәй, ваҡ йәнлектәр менән туҡлана торған эре йыртҡыс хайуан. Кешегә ташланыуы ла бар.
Һеләүһендең ҙурлығына килгәндә, ябай эт тиклем. Кәүҙәһенең оҙонлоғо 80 – 130 сантиметр булһа, бейеклеге 70-кә етә. Өлгөргән ата һеләүһен 18 килограмдан 25-кә саҡлы тарта. Бик һирәктәре генә 30 килограмға етеүҙәре ихтимал. Инә һеләүһен иһә уртаса 18 килограмм була.
Фото: М.Шаһиев.