Бөтә яңылыҡтар
Яңылыҡтар таҫмаһы
16 Декабрь 2022, 12:15

Муттарҙан 19 кеше алданған

Өфөнән 71 йәшлек ҡатын социаль селтәрҙә "сит ил гражданы" менән таныша. Бер аҙ аралашҡас, ир ҡатындан ярҙам һорай: йәнәһе лә, ҡиммәтле әйберҙәр менән посылка ебәрәсәк, шуны почта бүлексәһенән барып алырға ла, ул килгәнгә тиклем һаҡларға кәрәк. Нисек өгөтләгәндер инде, шулай ҙа аферист пенсионерҙан булмаған посылканың именлеге өсөн "страховка" - 60 мең һум аҡсаны үҙенә күсертергә өлгәшә. Аҡса күсеү менән ир юғала.

Муттарҙан 19 кеше алданған
Муттарҙан 19 кеше алданған

19 йәшлек егет иғландар сайтында ҡиммәтле телефондарҙың осһоҙораҡ хаҡҡа һатылыуы тураһында иғлан күреп, "һатыусы" ҡыҙ менән бәйләнешкә инә. Улар ресторанда осрашырға һөйләшә. Осрашҡас, тауар ҡаптары асылмағанына инанған егет ҡыҙҙың иҫәбенә 174 мең һум аҡса күсерә. Тик ҡыҙ, миңә аҡса күсмәне, тип алдап, телефондарҙы уға бирмәй сығып китә...

Бөтә факттар буйынса ла тикшереү бара.

Фото: асыҡ сығанаҡтарҙан.

Автор:Баныу Ҡаһарманова
Читайте нас в