Медицина “лайфхак”тарын асыҡлайбыҙ

Сәләмәтлек – иң ҙур бай­лыҡ. Байрамдарҙа ла иң күп яңғыраған теләк – тап сәлә­мәтлек. Билдәле, байлыҡ бул­ған ерҙә төрлө яңылышыуға ла урын табыла. Миңә, мәҫәлән, интернетҡа ингән һайын һаулыҡҡа бәйле берәй “лайфхак”, йәғни кәңәш­  эләгә. “Айбулат асыҡлай”ҙың си­раттағы сығарылышында табиптар менән бергә ошо ысулдарҙың дөрөҫлөгөн барларбыҙ.
Мәҫәлән, тауыш юғалғанда “ашығыс ярҙам”ды нисек саҡыртырға? Ҡарлыҡҡанда үҙ-үҙеңә ярҙам итеп буламы? Шулай уҡ үҙәк көйгәндә, сиҡылдағанда организмды көйләү, тәндәге төрлө “нөктә”ләрҙе ыуалау файҙаһы. Ошо һәм башҡа һорауҙарға яуапты декабрь сығары­лышында табырһығыҙ. 
Етеп килгән яңы йылды сәләмәт ҡаршы алыу өсөн төрлө осраҡҡа әҙер булырға кәрәк. Саф һауала йөрөргә, лимонлап йылы сәй эсергә һәм ҡоротлап аш ашарға онотмайбыҙ.
"Айбулат асыҡлай" тап­шырыуының сираттағы сыға­рылышы 14 декабрҙә көндөҙгө 12-се 15 минутта эфирға сыға. Аҙаҡ уны подкаст рәүешендә “Бәйлә­нештә” социаль селтә­рендәге “Юлдаш” радиоһы 105.5 FM” төркөмөндә һәм bash.news сайтында тың­ларға мөмкин.
    
 Айбулат СӘСӘНБАЕВ.