Бер-береһенә һылтайҙар...

Икеһе лә алдан хөкөм ителгән 22 йәшлек ҡыҙ менән 31 йәшлек ир пенсионерҙың аҡсаһын алыр өсөн Бәләбәйгә Өфөнән килгән. Ир кеше машинала ултырған, ҡыҙ 100 мең һумды инеп алған. Улар был аҡсаны схеманы ойоштороусының иҫәбенә күсерергә тейеш була, ләкин ҡомһоҙлоҡтарын еңә алмай, үҙ-ара бүлешә лә, кире Өфөгә юллана. Бәләбәйҙең полиция хеҙмәткәрҙәре уларҙы шунда ҡулға ала ла инде.

Енәйәттә ғәйепләнеүселәр үҙ ҡылығын таный, әммә ғәйепте бер-береһенә ауҙара. Ҡыҙҙың һөйләүенсә, ир интернетта эш тапҡан да, "эш биреүсе" менән ҡыҙ исеменән яҙышҡан. "Эш биреүсе" иргә пенсионерҙың аҡсаһын алып, уға ебәрергә ҡушҡан. Ә ир, мин интернетта эш тураһында иғлан күргәс, был турала таныш ҡыҙға әйттем, ҡалғанын ул үҙе башҡарҙы, Бәләбәйгә уның менән иптәшкә генә барҙым, тип раҫлай. Дөрөҫлөктө тәфтишселәр асыҡлай. Был икәүгә ҡарата енәйәт эше асылған.

Фото: БР буйынса ЭЭМ матбуғат хеҙмәте.