Бөтә яңылыҡтар
Яңылыҡтар таҫмаһы
9 Декабрь 2022, 23:10

Күпер сафҡа индерелгән

"Хәүефһеҙ сифатлы юлдар" милли проекты сиктәрендә Башҡортостанда Йөйәк йылғаһы аша күпер ремонтланған.

Күпер сафҡа индерелгән
Күпер сафҡа индерелгән

Белорет районында "Хәүефһеҙ сифатлы юлдар" милли проектын тормошҡа ашырыу сиктәрендә Йөйәк йылғаһы аша күпер ремонтланып, сафҡа индерелгән. Объектты ремонтлауға бөтәһе 37 миллион һумдан ашыу аҡса бүленгән, шуның 34,3 миллионы - федераль средстволар, 2,9 миллионы - төбәк бюджетынан.

- Объект Өфө-Инйәр-Белорет автомобиль юлының 112-се саҡрымында урынлашҡан, ул республиканың Белорет һәм Бөрйән райондарында урынлашҡан туристик объекттарға юл хәрәкәтен тәьмин итә, - тип һөйләне Башҡортостан Республикаһы транспорт һәм юл хужалығы министры Александр Клебанов. - Яңыртылған күпер ҡоролмаһының оҙонлоғо 50 метр, һәм хәҙер ул хәүефһеҙлек талаптарына тулыһынса яуап бирә.

Фото: асыҡ сығанаҡтарҙан.

Автор:Баныу Ҡаһарманова
Читайте нас в