Юл фажиғәләре - 6 декабрь

Уҙған тәүлектә республика юлдарында ун автомобиль аварияһы теркәлгән, уларҙа өс кешенең ғүмере өҙөлгән, 12 кеше төрлө йәрәхәттәр алған. Бер тәүлектә Дәүләт автоинспекцияһы хеҙмәткәрҙәре 1400-ҙән ашыу юл хәрәкәте ҡағиҙәләрен боҙоу осрағын асыҡлаған, 26 эскән водителде тотҡан.

Киске сәғәт унынсыла Һамар-Өфө-Силәбе автомобиль юлының 1480-се саҡрымында, "Scania" йөк автомобиле төҙөлә башлаған юл өҫтө йәйәүлеләр үткәүеленә кузовы менән бәрелгән. Металл плитә автомобиль кабинаһына ауҙарылып төшөп, водитель үлемесле йәрәхәттәрҙән үлгән. Билдәле булыуынса, ир ваҡиға урынынан алыҫ булмаған ерҙә ҡом-ҡырсын ҡатнашмаһын бушатып, күтәрелгән кузов менән хәрәкәт иткән.

Фото: БР ЮХХДИ.