Салауат ҡалаһында бер юлы өс оло кешене "Яҡынығыҙ аварияға тарыны" схемаһы буйынса алдағандар

83 йәшлек әбейҙең стационар телефонына билдәһеҙ ир кеше шылтыратып, ҡыҙының юл-транспорт ваҡиғаһына сәбәпсе булыуын, дауаханаға эләгеүен, уның арҡаһында йәрәхәтләнгән водитель ҡыҙҙың иһә бик ауыр хәлдә реанимацияла ятыуын белдергән. Артабан ир пенсионерға кеҫә телефоны аша һөйләшеүгә күсергә тәҡдим иткән, йәнәһе лә, стационар телефон аша, беренсенән, бәйләнеш алама, икенсенән, ҡыҙына ҡарата тәфтиш эше барған мәлдә әсәгә бер кем дә шылтыратып ҡамасауламаһын өсөн уны бөтөнләй һүндерергә кәрәк, имеш. Кеҫә телефоны аша шылтыратҡас, ир трубканы әбейҙең "ҡыҙына" биргән. "Ҡыҙы" әсәһенән аҡса һәм шәхси әйберҙәрен биреп ебәреүен һораған. Бәләгә тарыған балаһын ҡотҡарырға тырышҡан әбекәй бөтә булған аҡсаһын - 95 мең һумды, шулай уҡ ике таҫтамалды курьерға тоттороп сығарған. Курьер сығып киткәс, ҡыҙының хәлен белешеүен үтенеп, күршеһенә ингән. Ҡыҙы менән һөйләшкәс кенә, ул алданыуын аңлаған...

Салауат ҡалаһында бер юлы өс оло кешене "Яҡынығыҙ аварияға тарыны" схемаһы буйынса алдағандар