Өфөләргә күңелһеҙ булмаясаҡ

Баш ҡалаға Яңы йыл һулышы көндән-көн нығыраҡ өҫтәлә. Оҙайлы каникулдарҙа балаларға һәм йәштәргә, ғөмүмән, ғаиләләргә ял итеү урынын һайлау мөмкинлеге ҙур буласаҡ.

Быйылғы ҡышта Өфөлә 31 боҙ ҡаласығы, 90 хоккей майҙаны, 22 саңғы трассаһы, 30-лап каток эшләйәсәк, тип хәбәр итәләр мэриянан.

Ағиҙел ярындағы иң оҙон һырғалаҡты - 800 метрға һуҙылған катокты - 25 декабрҙә асыу күҙаллана.

Ошо уҡ көндө Ҡыш Бабай резиденцияһы ла эшләй башлаясаҡ.
Әйткәндәй, Яңы йыл ҡаршылау кисендә һәм төнөндә Рус дәүләт академия драма театры ҡаршыһындағы майҙанда байрам саралары ойошторола.

Урамдар байрамса биҙәлә башланы. Гирлянданың дөйөм оҙонлоғо 18 км буласаҡ. Уларҙа 48 мең лампа янасаҡ.

Фото: vk.com (Өфө ҡалаһы хакимиәте төркөмө)