Бөтә яңылыҡтар
Яңылыҡтар таҫмаһы
1 Декабрь 2022, 12:09

Абҙаҡтағы тау саңғыһы курорты - иң яҡшыһы

Ошо көндәрҙә Мәскәүҙә "Рәсәй тауҙары" милли премияһы еңеүселәре бүләкләнде. Был конкурс илебеҙҙәге тау саңғыһы туризмын үҫтереү һәм тауҙарҙа әүҙем ял итеү мәҙәниәтен таратыу маҡсатында быйыл ғына булдырылғайны.

Абҙаҡтағы тау саңғыһы курорты - иң яҡшыһы
Абҙаҡтағы тау саңғыһы курорты - иң яҡшыһы

"Абҙаҡ" тау саңғыһы комплексы "Урал федераль округының иң яҡшы тау саңғыһы курорты" номинацияһында еңеү яуланы.

БР эшҡыуарлыҡ һәм туризм министры Рөстәм Афзалов белдереүенсә, әле республикала 14 тау саңғыһы үҙәге бар, уларға миҙгелдә 800 меңдән ашыу кеше килеп китә.

Конкурста Рәсәйҙең 85 төбәгенән 220 тау һәм тау саңғыһы курорты ҡатнашҡан.

Еңеүседәр араһында Мәскәү янындағы «Волен-Степаново» паркы, Мурманск өлкәһендәге Большой Вудъявр, Сочиҙағы «Газпром» тау саңғыһы-туристик үҙәге, Ҡарасай-Черкестағы «Архыз» курорты бар.

Фото: БР Хөкүмәте сайтынан.

Автор:Алһыу Ишемғолова
Читайте нас в