Юл фажиғәләре

Бөгөн иртән Әбйәлил районында, Стәрлетамаҡ-Белорет-Магнитогорск автомобиль юлының 261-се саҡрымында, Силәбе өлкәһенән 30 йәшлек ир идара иткән "Лада Гранта" менән Белореттан 49 йәшлек ир идара иткән "Лада Ларгус" машиналары бәрелешкән. "Гранта" пассажиры үлемесле йәрәхәттәрҙән "Тиҙ ярҙам" килгәнсе йән биргән...

Юл фажиғәләре

"Ларгус" водителе менән уның пассажиры ла йәрәхәтләнгән. Ваҡиға урынында тәфтиш-оператив төркөм эшләй. Юл-транспорт ваҡиғаһының сәбәптәре асыҡлана.

Уҙған тәүлектә республика юлдарында дүрт автомобиль аварияһы теркәлгән, уларҙа алты кеше йәрәхәтләнгән. Дәүләт автоинспекцияһы хеҙмәткәрҙәре тарафынан 1500-ҙән ашыу юл хәрәкәте ҡағиҙәләрен боҙоу осрағы асыҡланған, 20 иҫерек водитель тотолған.

Фото: БР ЮХХДИ.