Биохимия һәм генетика институты 60 йыллығын билдәләй

– Учреждение исеменең ҡатмарлы атамаһы артында ғалимдарҙың етди эшмәкәрлеге ята. Институт хеҙмәткәрҙәре Рәсәй милли проектының «Фән һәм университеттар» бер нисә федераль проектын тормошҡа ашырыуҙа ҡатнаша, уның буйынса 2019 йылда институтта йәштәр геномика лабораторияһы асылған. 2021 йылда Рәсәй Хөкүмәте мегагранты булдырылған. Шулай уҡ хеҙмәткәрҙәр 2019 – 2027 йылдарға «Рәсәй икмәге» проектының генетик технологияларҙы үҫтереү федераль фәнни-техник программаһында ҡатнаша.

Евразия ғилми-белем биреү үҙәге һәм «Өҫтөнлөк – 2030» программалары буйынса технологик һәм стратегик проекттар уңышлы тормошҡа ашырыла. Шул уҡ ваҡытта институт илдә һәм сит илдәрҙә һорау менән ҡулланған «Генетика», «Молекуляр биология», «Үҫемлектәр физикаһы һәм биохимияһы», «Биохимия» һөнәрҙәре буйынса юғары квалификациялы кадрҙар әҙерләү буйынса Рәсәйҙә алдынғыларҙың береһе булып тора. Донъя кимәлендә танылған тикшеренеү һөҙөмтәләре баһалап бөткөһөҙ практикала ҡулланыла. Бында фәнни йәштәрҙе әҙерләүгә айырыуса иғтибар бүленә. Заманса ҡорамалдар менән йыһазландырылған лабораториялар беҙҙең университет студенттары өсөн һәр саҡ асыҡ, – тип яҙа социаль селтәрҙә Башҡортостан Башлығы Хакимиәте етәксеһе Максим Забелин.

Фото: Т. АМАНОВ.