Уңған тракторсыға - "Лада Гранта" автомобиле!

Ишмәкәй ауылында тыуып-үҫкән Рифат һәр саҡ алдынғылар рәтендә, уның турала "эш" тип йәнен фиҙа ҡыла, тиҙәр. Афарин, Рифат!

Шуны ла билдәләп үтер кәрәк: алдынғы хужалыҡ менән етәкселек иткән Константин Нурмуханов үҙ һөнәре буйынса профессионалдар командаһын йыйып алған. Коллективта 200-ҙән ашыу юғары квалификациялы белгес һәм хеҙмәткәр эшләй, шул иҫәптән директорҙың малсылыҡ буйынса урынбаҫары Илнур Ейәнғолов, баш агроном Владислав Горячев, баш бухгалтер Зилиә Ғарипова, кадрҙар бүлеге начальнигы Гөлназ Йомағужина, баш ветеринар Айнур Юлсурин һ.б.  "Башҡортостан Республикаһының атҡаҙанған ауыл хужалығы хеҙмәткәре" исеменә тракторсылар Юрий Батюшев, Кәрим Әлхәмов, быҙау ҡараусы Гүзәл Күсәбаева лайыҡ булһа, йөҙҙән ашыу хеҙмәткәрҙең тырышлығы дәүләт наградалары менән билдәләнгән. Хужалыҡтың да юғары етештереү күрһәткестәре өсөн бик күп наградалары бар. Агрофирма үҙ территорияһында урынлашҡан ойошмаларға бағыусылыҡ ярҙамын күрһәтә, республиканың уҡыу йорттары менән әүҙем хеҙмәттәшлек итә.

Хужалыҡты үҫтереүгә ҙур көс һалып, "Байрамғол" агрофирмаһы йыл һайын юғары уңыштарға өлгәшә, иртәгәһе көнгә ышаныс менән ҡарай. 

Фото: Гөлназ Йомағужина.