Суд ҡарары сығарылған

Башҡортостан прокуратураһының матбуғат хеҙмәте мәғлүмәттәре буйынса, 25 июлдә водитель таныҡлығы булмаған 26 йәшлек водитель "ВАЗ-21093" автомобилендә оло юлға сыҡҡанда "Лада Приора"ға бәрелә. 17 йәшлек пассажир ҡыҙ фажиғә урынында йән бирә. Был фажиғә буйынса енәйәт эше асылып, водитель үҙ ғәйебен таный. Краснокама район-ара суды уны биш йыл да өс айға иркенән мәхрүм итте.

Бынан тыш ул ике йылға транспорт саралары менән идара итеүгә бәйле эшмәкәрлек менән шөғөлләнеү хоҡуғынан мәхрүм ителде. Прокуратура, был яза үтә йомшаҡ, тип хөкөм ҡарарына ялыу биргән. Был турала республика күҙәтеү ведомствоһының матбуғат хеҙмәте хәбәр итә.

Фото: БР ЮХХДИ.