Быйыл республиканың Экспортҡа ярҙам итеү үҙәге тағы биш маркетплейсты үҙләштерҙе

Был яңы баҙар яулау сәйәсәте һәм былтыр үткән Халыҡ-ара бизнес аҙнаһының эш һөҙөмтәһе булып тора. ЦПЭ эшкә алған электрон майҙансыҡтар рәтенә Ecasb.com (Иран), Amazon.com.tr (Төркиә), Lazada (Тайланд), Lesprom Network (Азия, Африка һәм Яҡын Көнсығыш илдәре), Woodresource.com (Азия һәм Яҡын Көнсығыш, Ҡытай, Берләшкән Милләттәр Ойошмаһы) ҡушылды.

- Республиканың Экспортҡа ярҙам итеү үҙәге беҙҙең тауарҙарҙы халыҡ-ара сауҙа майҙансыҡтарҙа таратыу эшен алып бара. 2020 йылдан алып "Экспортсының һанлы паспорты" проекты эшләй. Уның буйынса 104 кесе һәм уртаса бизнес субъекты халыҡ-ара маркетплейстарҙа таратыу өсөн инглиз телендәге мультимедиалы һанлы документ алды, - тине бының турала БР тышҡы иҡтисади бәйләнештәр һәм конгресс эшмәкәрлеге министры Маргарита Болычева.

Секциялар барышында компаниялар тауарҙарҙы сит илгә оҙатыу, маркетплейстарҙа урынлаштырыу, глобаль күргәҙмәләрҙә ҡатнашыу кеүек һорауҙар буйынса кәңәш-консультациялар бирелде.

- Был эштең һөҙөмтәләре лә юҡ түгел. Онлайн-күргәҙмә мәлендә потенциаль һатып алыусылар башҡорт етештереүселәренең продукцияһы менән ҡыҙыҡһынды. Әле улар коммерция юҫығында үҙ-ара мөнәсәбәткә ингән, - тине Маргарита Болычева.

Автор:Айбулат Ишназаров

Читайте нас:

1917-2024 "Йәшлек" гәзите

Баш мөхәррир - Артур Хәсән улы Дәүләтбәков

Мәҡәләләрҙе ҡулланғанда "Йәшлек" гәзитенә һылтанма яһау мотлаҡ. Бөтә хоҡуҡтар яҡланған.

Телефон

8(347)273-46-38

Электрон почта

[email protected]

Адресы

Өфө ҡалаһы, Октябрҙең 50 йыллығы урамы, 13, 8-се ҡат

Реклама хеҙмәте

89174755304

Редакция

8(347)273-52-08

Ҡабул итеү бүлмәһе

8(347)273-46-38

Хеҙмәттәшлек

8(347)273-56-45