Декабрь ниндәй буласаҡ?

Электрогазета.рф яҙыуынса, синоптиктар быйылғы декабрҙең ғәҙәттәгенән һыуығыраҡ буласағын күҙаллаған. Һауа температураһы уртаса -10,8 градусты күрһәтәсәк. Шул уҡ ваҡытта Гисметео порталы -33 градус һыуыҡты фаразлай.

Термометр бағанаһы 3 декабрҙә үк һиҙелерлек төшәсәк икән. Көндөҙ - 16, төндә 25 градус һыуыҡ булыуы ихтимал. Бындай көндәр 11 декабргәсә дауам итәсәк.

Иң һыуыҡ көндәр айҙың һуңғы аҙнаһына тура килә, 27 декабрҙә көндөҙ - 27, төндә 33 градус булыуы ихтимал.

31 декабрҙә генә бер аҙ йылыта башлай.

Фото: Автор фотоһы.