Бөтә яңылыҡтар
Яңылыҡтар таҫмаһы
25 Ноябрь , 09:05

Күңелле Ғаилә ялы көтөлә

Әсә көнө алдынан 26 ноябрҙә республикабыҙҙың барлыҡ район һәм ҡалаларында «Әсәйҙәр бергә» ғаилә ялы үтәсәк. Был хаҡта Ғаилә, хеҙмәт һәм халыҡты социаль яҡлау министрлығының матбуғат хеҙмәтенән хәбәр итәләр.

Күңелле Ғаилә ялы көтөлә
Күңелле Ғаилә ялы көтөлә

«Был - ҡатын-ҡыҙҙарға көндәлек һәм  хеҙмәт мәшәҡәттәренән арынырға һәм уй-хыялдар донъяһына сумырға, ә ир кешеләргә һәм балаларға ҡатындары, әсәләре менән бергә ялды ғаилә менән үткәрергә мөмкинлек бирәсәк», - тип белдерәләр ведомствонан.

Байрам сағыу һәм иҫтә ҡалырлыҡ булһын өсөн ойоштороусылар алдынғы психологтарҙы, нейропсихологтарҙы, психотерапевтарҙы саҡырған, улар иң мөһим, ҡатын-ҡыҙҙар тураһында һөйләйәсәк. Бынан тыш, матурлыҡ буйынса оҫталыҡ дәрестәре әҙерләнгән, тире һәм сәстәрҙе тәрбиәләү буйынса кәңәштәр ҙә биреләсәк.

«Ә ниндәй байрам бүләкһеҙ булһын инде.  Бында һеҙҙе сюрприз көтә: балалар тиҙ һәм үҙ ҡулдары менән әсәһенә бүләк эшләйәсәк. Саҡырылған артистар, актерҙар, музыканттар матур ял бүләк итәсәк. Ғаиләгеҙ менән беҙҙең байрамға килегеҙ, дуҫтарығыҙҙы һәм яҡындарығыҙҙы саҡырығыҙ. Инеү - бушлай», - тип өҫтәнеләр ведомствола.

Ғаилә ялы ҡайҙа үтәсәген түбәндәге һылтанма буйынса белергә була.

 

 

 

Фото: Т. АМАНОВ.

Автор:Гөлназ Шәйхетдинова
Читайте нас в