Бөтә яңылыҡтар
Яңылыҡтар таҫмаһы
24 Ноябрь , 19:30

Тәүлек эсендә муттар һигеҙ кешене алдаған

Өфөлә йәшәгән 65 йәшлек ҡатын йәйгеһен сит илдә ял иткәндә бер ир менән танышҡан. Байтаҡ ваҡыт үткәс, сит ил кешеһе ҡатынға шылтыратып, тағы ла ял итергә саҡырған, юллама алырға ярҙамлашам, тип вәғәҙәләгән. Ҡатын иргә ышанып, ул әйткән иҫәпкә 130 мең һумға яҡын аҡсаһын күсергән. Шуның менән "романтик мөнәсәбәттәр" тамамланған, сөнки ир аҡса күсеү менән бәйләнештән юғалған. Ҡатын полицияға мөрәжәғәт иткән дә бит, аҡсаһын кире ҡайтара алыуы бик икеле.

Тәүлек эсендә муттар һигеҙ кешене алдаған
Тәүлек эсендә муттар һигеҙ кешене алдаған

Бәләбәйҙән 29 йәшлек ир социаль селтәрҙә инвестициялау аша байырға тәҡдим иткән "брокер" менән танышҡан. Ир уны тыңлап, 200 мең һум аҡсаһын "инвестициялаған". Тиҙҙән "брокер", башҡа аҡса булмаҫын аңлағас, ирҙең телефон номерын блокка ҡуйған, бәйләнеште өҙгән.

Тәүлек эсендә муттар һигеҙ миллион һумға яҡын аҡсаны урларға эшкингән...

Фото: БР буйынса ЭЭМ матбуғат хеҙмәте.

Автор:Баныу Ҡаһарманова
Читайте нас в