Өсөнсө гуманитар конвой барып еткән

Был турала Башҡортостан Башлығы Радий Хәбиров үҙенең сәхифәһендә хәбәр итә. Миңлеғәле Шайморатов һәм Александр Доставалов исемендәге батальондарға ҡышҡы кейем-һалым, коптерҙар, коллиматорҙар, төнөн яҡшы күреү өсөн приборҙар ебәрелгән.

Бынан тыш колоннала республиканың предприятиелары, ойошмалары әҙерләгән экскаватор, "УАЗ" автомобилдәре («буханка», «фермер»), Шайморатов батальоны өсөн "Башнефтегеофизика"нан бронле "Урал" да бар.

- Йөк составында солоҡ балы, ҡаҡ, ҡорот, гармун һәм ҡурай ҙа ебәрелде - беҙҙең яугирҙар араһында талантлылар күп, - тип яҙа төбәк етәксеһе. - Һәм, әлбиттә, иң көтөп алынғаны - яҡындарынан хаттар. Ирекмәндәргә һәм мобилизацияланғандарға ярҙам иткән предприятиеларға, эшҡыуарҙарға, ябай халыҡҡа рәхмәт. Был ярҙам алғы сафтағылар өсөн бик мөһим.

Фото: https://vk.com/wall413272232_929050