+12 °С
Облачно
Яңылыҡтар таҫмаһы
24 Ноября 2022, 11:15
Пенсионерҙарҙан аҡса алып йөрөгән курьерҙы тотҡандар
"Яҡынығыҙ юл-транспорт ваҡиғаһына тарыны" тигән схема буйынса ололарҙы алдаған муттар Өфөлә йәшәгән 72 йәшлек ҡатындың 185 мең һум аҡсаһын урлаған. Бер-ике көндән 78 йәшлек пенсионер ҙа алданып, курьерға 380 мең һумдан ашыу аҡсаһын бирә. Полиция хеҙмәткәрҙәре оператив-эҙләү саралары барышында курьерҙы эҙләп тапҡан. Ул Иглин районынан 18 йәшлек егет.
Пенсионерҙарҙан аҡса алып йөрөгән курьерҙы тотҡандар
Егеткә был еңел "эште" мессенджер аша тәҡдим иткәндәр.
Ололарҙан аҡса алғанда, ете процентын ул үҙендә ҡалдырған.
Хәҙер уның ошоға оҡшаш башҡа енәйәттәргә ҡағылышы бармы-юҡмы икәнлеге тикшерелә.
Фото: Рәсәй Эске эштәр министрлығының Өфө ҡалаһы буйынса идаралығының матбуғат хеҙмәте.
