Белоретта, ғауғанан һуң, мәктәп ашханаһы ашнаҡсыһы вазифаһынан бушатылды

Хәтерегеҙгә төшөрәбеҙ, уҙған аҙнала мәктәпкә пландан тыш тикшереү үткәрергә район хакимиәте хеҙмәткәрҙәре килә. Комиссия мәктәп ашханаһында бер нисә етешһеҙлекте асыҡлаған: балаларға һыуыҡ аш-һыу бирелгән, уларҙы тейешенән әҙерәк һалғандар, йәшелсә һаҡлағыста антисанитария булған.

• Туҡланыуҙы ойоштороусы был хәлгә иғтибар итте һәм саралар күрҙе: ашнаҡсы эшенән бушатылды, йәшелсә һаҡлағыста кәштә, ит ярымфабрикаттарын һаҡлау өсөн айырым туңдырыу камераһы ҡуйылды. Ризыҡтарҙың сифатын, ауырлығын һәм санитар-гигиена талаптарын тикшергән брак комиссияһы тураһында яңы бойороҡ төҙөнөк. Аш-һыу таратыу урынында  контроль ризыҡты көн һайын ҡуйыу ойошторолдо, – тине район хакимиәте башлығы.

Ризыҡ хәҙер ваҡытында бирелә, өлөштәрҙең ауырлығы тигеҙ, нормаға ярашлы бүленә. Туҡланыуҙы тикшереүгә ата-әсәләр йәлеп иттелде. Улар өсөн мәктәп расписаниеһы төҙөлдө – төрлө класс ата-әсәләре көнөнә өс тапҡыр ойошторолған  туҡланыуҙы тикшерә ала.

Фото: Т. Аманов