Бөтә яңылыҡтар
Яңылыҡтар таҫмаһы
19 Ноябрь , 14:00

Водителдәр иғтибарына!

Әлеге мәлдә Өфө-Ырымбур федераль автомобиль юлында (112-се саҡрымдан алып 284-се саҡрымға, йәғни Ырымбур өлкәһе менән сиккә тиклем) көслө ҡар яуыуы күҙәтелә. Юлда һаҡ булығыҙ! Уҙған тәүлектә республика юлдарында ун өс автомобиль аварияһы теркәлгән, уларҙа ун биш кеше йәрәхәтләнгән.

Водителдәр иғтибарына!
Водителдәр иғтибарына!

Кисен Шишмә районында, Шишмә-Аксенов-Ҡырғыҙ-Миәкә автомобиль юлының 22-се саҡрымында, Өфөнән 24 йәшлек ҡыҙ идара иткән "Volkswagen Polo" менән 40 йәшлек ир идара иткән "Renault Logan" машиналары бәрелешкән. "Volkswagen" водителе, уның 23 йәшлек пассажиры ауыр йәрәхәтләнеп, дауаханаға оҙатылған. Тағы ла бер пассажиры, 35 йәшлек ҡатын, медицина ярҙамы күрһәтелгәндән һуң өйөнә ҡайтарылған. Көслө ҡар яуғанда теркәлгән юл-транспорт ваҡиғаһы буйынса тикшереү бара.

Ҡар яуғанда фараларҙы мотлаҡ ҡабыҙып, аҡрын ғына хәрәкәт итергә кәрәк. Юлдарҙың ситендәге көрт - бик хәүефле, шуны онотмағыҙ!

Фото: БР ЮХХДИ.

Водителдәр иғтибарына!
Водителдәр иғтибарына!
Автор:Баныу Ҡаһарманова
Читайте нас в