Медицина һөнәре буйынса бюджет урындарының күбеһе киләһе йылда маҡсатлы буласаҡ: "Дауалау эше" (специалитет) - 75%, "Педиатрия" (специалитет) - 76%, шулай уҡ дефицит булған ординатура һөнәрҙәре - 100%.
Маҡсатлы урындарҙың 70 проценты самолеттар һәм вертолеттар эшләү, тимер юлдарҙы эксплуатациялау, поездар хәрәкәтен тәьмин итеү системалары өлкәләрендә эшләйәсәк белгестәр өсөн бүленгән. "Тимер юлдар, күперҙәр һәм транспорт тоннелдәре төҙөү", "Авиация һәм ракета двигателдәрен проектлау", "Радиоэлектрон системалар һәм комплекстар" һөнәрҙәре буйынса 60 процент урын ҡаралған. Бөтә һөнәрҙәр буйынса аспирантураға урындар - 33%. Маҡсатлы йүнәлтмә буйынса ҡабул ителгән абитуриенттар буласаҡ эш биреүсе иҫәбенә бушлай уҡый һәм диплом алғандан һуң эш биреүселә кәмендә өс йыл эшләргә тейеш.
Фото: асыҡ сығанаҡтарҙан.