Радий Хәбиров белореттарҙы еңеү менән ҡотланы

Белореттарҙың "Офоҡты артыл" паркы проекты BLT Built Design Awards 2022 конкурсында "Ландшафт" номинацияһында еңеү яулап, "Алтын Трезини" Халыҡ-ара архитектура-дизайнер премияһының алтын дипломына ла лайыҡ булған. Ошо уңайҙан республика Башлығы белореттарҙы ҡотлап, был ике халыҡ-ара конкурста еңеү беҙҙең йәмәғәт киңлектәрен төҙөкләндереү йәһәтенән ҙур планканы тағы бер тапҡыр раҫланы, тип белдерҙе.

- Хәтерегеҙгә төшөрәм, "Офоҡто артыл" проекты - 2020 йылғы Бөтә Рәсәй бәләкәй ҡалаларҙа һәм тарихи ауылдарҙа уңайлы ҡала мөхитен булдырыу буйынса иң яҡшы проекттар конкурсы еңеүселәренең береһе, - тип яҙҙы Радий Хәбиров. - Уны тормошҡа ашырыр өсөн федераль грант бүленде. Проекттың төп маҡсаты - Белореттың мәҙәниәт һәм ял паркын, йылғаның яр буйҙарын төҙөкләндереү. Авторы - Orchestra Design студияһы, кураторы - Башҡортостан ҡалаларын үҫтереү институты. Белорет халҡының ҡатнашыуы ла ҙур әһәмиәткә эйә. Был бик мөһим - биләмәләрҙе төҙөкләндереүҙә һәр ваҡыт халыҡтың фекере иҫәпкә алынырға тейеш. Белорет халҡын һәм ҡатнашыусыларҙы еңеү менән ҡотлайым!

Фото: асыҡ сығанаҡтарҙан.