Өфөлә беренсе шыршы ҡуйылды

Өфөнөң Сипайлово биҫтәһендәге "Ҡашҡаҙан" паркына шыршы ултыртҡандар. Ул Нуриман районынан килтерелгән, тип хәбәр итәләр Октябрь районы хакимиәтенән. Шыршының бейеклеге 18 метр. Үткән йылдарҙа байрам ағасы парктың үҙәк аллеяһында ҡуйылһа, был юлы уны сәхнәгә яҡын урынлаштырғандар. Тиҙҙән биҙәйәсәктәр, ә белгестәр боҙ ҡаласығы төҙөүгә тотонасаҡ.

Фото: Өфө ҡалаһының Октябрь районы хакимиәтенән.