Янғындар...

Кисә кисен Благовар районының Шәмәй ауылында йорт яна. Утты һүндереү барышында 1955 йылғы ирҙең кәүҙәһе табылған... Был фажиғә буйынса тикшереү бара. Бөгөн иртән Ейәнсура районының Иҫәнғол ауылында күп ҡатлы йорттағы бер фатирҙа янғын сыға. Янғын һүндереүселәр бик тиҙ арала биш кешене эвакуациялап, утты һүндерә. 1939 йылғы ир үҙ аллы йорттан сыҡҡанда йәрәхәтләнгән, уны дауаханаға оҙатҡандар.

Янғындар...

Мейес яҡҡанда, электр ҡорамалдарын файҙаланғанда хәүефһеҙлек ҡағиҙәләрен үтәмәү, ут менән һаҡһыҙ эш итеү (мәҫәлән, өйҙә тәмәке тартыу) фажиғәле хәлдәргә килтерә.

14 ноябргә ҡарата мәғлүмәттәр буйынса, республикала 9713 янғын теркәлеп, 186 кешенең ғүмере өҙөлгән, шул иҫәптән алты бала һәләк булған, 233 кеше йәрәхәтләнгән...

Фото: асыҡ сығанаҡтарҙан.