Социаль селтәрҙәрҙә халыҡтың мөрәжәғәттәре буйынса икенсе урында - һаулыҡ һаҡлау мәсьәләләре (568 мөрәжәғәт теркәлгән, йәғни уҙған аҙнаға ҡарағанда 46-ға күберәк). Шулай уҡ төҙөкләндереү (562), торлаҡ-коммуналь хужалығы (523) һәм социаль хеҙмәтләндереү (436) буйынса ла мөрәжәғәттәр күп.
Уҙған аҙнала Республика менән идара итеү үҙәге ҡала һәм район хакимиәттәре, министрлыҡ һәм ведомстволар менән бергә 6 223 мөрәжәғәтте эшкәрткән. Был алдағы аҙнаға ҡарағанда 360-ҡа күберәк.
Мобилизация темаһы буйынса мөрәжәғәттәр һаны кәмегән. Уның ҡарауы коронавирус буйынса һорауҙар күренә башлаған.
Мобилизация буйынса чат-бот эшләүен дауам итә https://t.me/MPodderzhkiBashkortostanBot. Уны республиканың Ғаилә, хеҙмәт һәм халыҡты социаль яҡлау министрлығы менән берлектә Республика менән идара итеү үҙәге әҙерләгән.
Доклад йомғаҡтары буйынса Башҡортостан Хөкүмәте Премьер-министры Андрей Назаров кире бәйләнеш буйынса эште дауам итергә һәм махсус хәрби операцияла ҡатнашырға теләп ғариза яҙған кешеләр менән эш итеү алгоритмын яҡшылап уйларға ҡушты.
Фото: асыҡ сығанаҡтарҙан.