Юл фажиғәләре - 11 ноябрь

Киске алты тирәһендә Ҡариҙел ауылында 60 йәшлек ир "Датсун ОН-ДО" машинаһында юлдан осҡан. Йәрәхәтләнгән водитель дауаханаға оҙатылған. Әлеге осраҡ буйынса тикшереү бара.

Уҙған тәүлектә республика юлдарында ун бер автомобиль аварияһы теркәлгән, уларҙа ун ике кеше төрлө йәрәхәттәр алған.

Профилактик саралар барышында 1800-ҙән ашыу юл хәрәкәте ҡағиҙәләрен боҙоу осрағы асыҡланған, 39 иҫерек водитель тотолған, 12 водитель танытманан мәхрүм ителгән көйөнсә транспорт менән идара иткән, ә 26 водитель танытмаһы булмаған килеш машина йөрөткән. 317 водитель - хәүефһеҙлек ҡайышын эләктермәгән өсөн, 37 водитель балаларҙы йөрөтөү ҡағиҙәләрен үтәмәгән өсөн административ яуаплылыҡҡа тарттырылған.

Фото: БР ЮХХДИ.