Бөтә яңылыҡтар
Яңылыҡтар таҫмаһы
9 Ноябрь , 09:34

Студенттар кампусының тәүге сираты киләһе йылда тапшырылырға тейеш

Өфөлә донъя кимәлендәге Евразия ғилми-мәғариф үҙәгенең вуз-ара студенттар кампусын төҙөүгә бәйле күсмә кәңәшмә үтте. БР Хөкүмәте Премьер-министры Андрей Назаров билдәләүенсә, тәүге этапта элекке IQ-парк бинаһы реконструкцияланасаҡ.

Студенттар кампусының тәүге сираты киләһе йылда тапшырылырға тейеш
Студенттар кампусының тәүге сираты киләһе йылда тапшырылырға тейеш

Әле объектта инженер системаларың бер өлөшө алмаштырылған, йылытыу, елләтеү, төтөн сығарыу системалары яңыртылған, стеналар буялған. Сиратта электрҙы, ҡалған инженер системаларын яңыртаһы бар, косметик ремонт та кәрәк.

Ҡуйылған бурыс - киләһе йыл аҙағына беренсе сираттағы эш тамамланырға тейеш. Дөйөм алғанда, кампус майҙаны 36 кв.м буласаҡ. Бинаның төп өлөшө эшҡыуарлыҡ компетенциялары өсөн бүленә. Шулай уҡ IQ-китапхана, офистар, IT-технопарк, R&D үҙәктәр, венчур фондтары, банктар вәкиллектәре, күргәҙмә һәм эшлекле зоналар урынлашасаҡ.

Фото: БР Хөкүмәтенән.

Автор:Алһыу Ишемғолова
Читайте нас в