Республика делегацияһы Әрмәнстанда ике көндә 60 осрашыу уҙғарған

БР тышҡы иҡтисади бәйләнештәр һәм конгресс эшмәкәрлеге министры Маргарита Болычева белдереүенсә, осрашыуҙар һәр яҡ өсөн дә әһәмиәтле тип табылған, Әрмәнстан партнерҙарыбыҙ республика етештереүселәренән ентекле мәғлүмәт алған.

Бизнес-миссия менән барған вәкилдәр түбәндәге предприятиелар менән таныштырған: «Миротент» (спанбод һәм полипропилен сумкалар етештереүсе), «Техномаш» (йылытыу ҡаҙанлыҡтары өсөн торбалар), «Комфорт Пласт» (төҙөлөш-биҙәү материалдары), «Башкирский фарфор» (һауыт-һаба) һ.б.

Сәфәрҙә шулай уҡ Әрмәнстандың Юғары технологиялы сәнәғәте, Иҡтисад министрлыҡтары, Сәнәғәтселәр һәм эшҡыуарҙар берлеге вәкилдәре менән дә осрашыуҙар ойошторолған.

Фото: БР Хөкүмәте сайтынан.