Бөтә яңылыҡтар
Яңылыҡтар таҫмаһы
6 Ноябрь , 14:24

Һөйөнсө! Балалар һауыҡтырыу лагеры төҙөлә

"Шифа" балалар һауыҡтырыу учреждениеһы төҙөү тураһындағы концессион килешеүгә Башҡортостандың фән һәм мәғариф министры Айбулат Хажин менән "Системалы концессиялар" йәмғиәтенең генераль директоры Валерий Еремин ҡул ҡуйған. Буласаҡ лагерҙың урыны ла билдәле.

Һөйөнсө! Балалар һауыҡтырыу лагеры төҙөлә
Һөйөнсө! Балалар һауыҡтырыу лагеры төҙөлә

Республика Хөкүмәтендә ҡул ҡуйылған килешеүгә ярашлы, Сибайҙа йыл әйләнәһенә эшләүсе "Шифа" лагеры барлыҡҡа киләсәк.

БР Хөкүмәте Премьер-министры Андрей Назаров белдереүенсә, балалар ялын уңайлы итеү һәм, әлбиттә, һауыҡтырыу йүнәлешен үҫтереү - беҙҙең етәкселектең өҫтөнлөклө эшмәкәрлеге.

Баҡһаң, "Шифа" өсөн ике йыл элек үк урын һайланып, унда иҫтәлекле капсула ла күмелгән икән. 

Объектты төҙөү хаҡы 3 млрд һум тип иҫәпләнгән. Республика ҡаҙнаһынан капиталь грант суммаһы - 756 млн һум. Лагерҙа бер сменала 350 баланы ҡабул итергә ниәтләйҙәр. "Шифа" 2024 йылдың 1 сентябренә үҙ ишектәрен асасаҡ.

Фото: БР Хөкүмәте сайтынан.

Автор:Алһыу Ишемғолова
Читайте нас в