Әхирәттәре менән машинаһын Ямашлы һыуһаҡлағысына батырған ҡатын хөкөм ителде

Ҡатын суд залында һаҡ аҫтына алына.

Хәтерегеҙгә төшөрәбеҙ, 18 апрелдә Гөлгөнә Тахтарова (48 йәш) өс әхирәте менән тыуған көнөн билдәләргә тәбиғәткә юллана. Һыуһаҡлағыс эргәһендә Гөлгөнә транспорт менән идара итә алмай – автомобиль һыуға төшөп китә. Ғәйепле ҡатын сығып өлгөргән, әхирәттәре юҡ. 

Һөҙөмтәлә ун бала әсәйһеҙ ҡала. Һәләк булған 53 йәшлек ҡатындың биш балаһы, 36 йәшлектең – икәү һәм 49 йәшлектең өс  балаһы етем ҡала. Иҫән ҡалған 48 йәшлек водитель ҡатындың да ике балаһы бар.

Фото: Т. Аманов