Баш автоинспектор фажиғә урынына барған

Баш автоинспектор Владимир Севастьянов Күгәрсен районындағы авария тураһында хәбәр алыу менән шунда юлланған. Ул социаль селтәрҙәге сәхифәһендә, фажиғә сәбәптәрен асыҡлау, Дәүләт автоинспекцияһы эшмәкәрлеген координациялау өсөн Күгәрсен районына килдем, тип яҙҙы: "Әле ваҡиға урынында БР буйынса Эске эштәр министрлығының тәфтиш-оператив төркөмө һәм эксперт-криминалистары ла эшләй".

Баш автоинспекторҙың яҙыуынса, авария 08:35 сәғәттә Магнитогорск-Ира автомобиль юлының 348-се саҡрымында теркәлгән. Күгәрсен районынан 22 йәшлек ҡыҙ идара иткән "Volkswagen Polo" менән Күмертауҙан 21 йәшлек егет идара иткән "Skoda Rapid" машиналары бәрелешеп, ике водитель, "Skoda" автомобиленең 71 йәшлек пассажиры ашығыс медицина ярҙамы килгәнсе яҡты донъя менән хушлашҡан. "Skoda" автомобиленең ике пассажиры, 26 йәшлек егет менән 29 йәшлек ҡыҙ, дауаханаға оҙатылған.

"Skoda" водителенең Мораҡтан Өфөгә пассажирҙарҙы алып китеп барғаны билдәле. Һәләк булған ҡыҙ ауылдан урындағы үҙәк дауаханаға юлланған булған.

"Әле фажиғә урынында юл хәрәкәте ябылған, ваҡытлыса урау юл асылған. Юл-транспорт ваҡиғаһының сәбәптәре асыҡлана", - тип яҙа Владимир Севастьянов.

Фото: БР ЮХХДИ.

Автор:Баныу Ҡаһарманова

Читайте нас:

Новости партнеров

1 ғинуарҙа саҡ үлемдән ҡалған

На уровне молекул

“Ана капиталы” акчасы калган иде

1917-2024 "Йәшлек" гәзите

Баш мөхәррир - Артур Хәсән улы Дәүләтбәков

Мәҡәләләрҙе ҡулланғанда "Йәшлек" гәзитенә һылтанма яһау мотлаҡ. Бөтә хоҡуҡтар яҡланған.